'Los árboles mueren de pie', de Teatro Casona

El doctor Ariel fundó una institución altruísta con una misión que consiste en proporcionar consuelu, ilusión y alegría a les personas desesperaes. A les oficinas d'esta estraña organización acude un día el vieyu señor Balboa en busca d'auxiliu. Él y la so muyer criaron a un nietu güérfanu, al que consintieron demasiao, qu'inclusive roba a los sos propios güelos. Una noche, tres sorprendelu forciando'l caxón del escritoriu, el güelu échalu de casa. D'esto hai yá venti años; enxamás regresó.


La güela, que lu adora, nun sabe nada d'ello. Y pa caltene-y la ilusión, el señor Balboa escribe-y cartes ficticies de manera periódica como si foran del nietu, arrepentíu yá, onde-y cuenta la vida provechosa y feliz que ta llevando.


Asina pasa'l tiempu hasta qu'un anuncia'l so regresu, pa lo que'l señor Balboa, pa continuar la farsa y non destruyir el suañu de la so esposa, quier entós qu'esa institución-y proporcione un nietu falsu.


Teatru idealista nel que s'advierte los elementos dramáticos derivaos del conflictu y del choque ente fantasía y realidá. La téunica escénica emplegada pa representar y dar xunidá a esa idea ye escelente.


Xéneru: Comedia dramática.


Duración: 120 minutos


Tolos públicos.


Un espectáculu de Casona Teatro, coproducíu por Mierescena Teatro

Adaptación de la obra d'Alejandro Casona.
Direición: Andrés Presumido