'The weight of remembering (La plomada)'

L'interés sobre un estrañu heriedu –una antigua plomada de pesca que perteneció al so güelu, inmigrante asturianu– ye lo qu'impulsa al narrador ficticiu d'esti documental a viaxar dende la so casa de New York a les cais de Tampa (Florida). Mientres unos díes, gracies al increíble elencu de tampeños qu'ellí atopa, el narrador va vese somorguiáu nun mundu que ta a piques de sumir.

Enllazando col so anterior trabayu, 'Un legado de humo', West Tampa y Ybor City son l'escenariu que la película nos convida a percorrer, unes cais qu'allugaron les numberoses fábriques de tabacu que convirtieron a esos llugares na 'capital mundial del tabacu'. 'The weight of remembering (La plomada)' sofitase nos relatos y alcordances de los sos habitantes d'orixe español, asturianos na so mayoria, y nos restos d'una dómina y una xente en peligru de desaniciu.

Va años que'l cineasta asturianu Luis Argeo recueye nel so trabayu les buelgues de la emigración asturiana y española n'Estaos Xuníos. Argeo estrenó nel 2006 la so primer película, 'AsturianUS', a la que siguió 'Corsino, by Cole Kivlin' nel 2010. Xunto a James D. Fernández lidera'l proyeutu archivísticu documental 'Ni frailes ni conquistadores: Spanish inmigrants in the US'.

Añu: 2017.
Duración: 55 minutos.
Idioma: versión orixinal en castellanu y inglés con subtítulos en castellanu.
Estaos: Estaos Xuníos y España.
Director: Luis Argeo y James D. Fernández.
Producción: Anthony Carreño, Luis Argeo y James D. Fernández.
Guión: Luis Argeo y James D. Fernández.