¡A galopar! Canciones para un Primero de Mayo

Un festival pa cantar y sentir. Parte de los meyores grupos y artistes de la escena asturiana (dende'l folk hasta'l rock, pasando pel indie), xúnense pa versionar cantares conocíos por toes y toos. Eses canciones que celebramos y que nos acompañaron en momentos de llucha, de combate d'idees, de cambios y tresformaciones sociales. La Ciudadana Asociación Cultural quixo homenaxar esos temes musicales que representaron, en distintos momentos históricos, ilusiones y sentimientos d'avance y progresu pa miles, millones de persones, nuna fecha, viéspora del Primeru de mayu, qu'encaxa como un guante col conteníu d'esti eventu imprescindible. Con miraes nueves, con enfoques nuevos, cola mesma fuercia cola que se crearon, nel Teatru Campoamor van sonar letres y ritmos cargaos de futuru. Porque, güei más que nunca, güei como siempre, faise necesario recordar al poeta na voz de Paco Ibáñez: 'A galopar, a galopar / hasta enterrarlos en el mar'.

Participantes: Nuberu, Los Berrones, Héctor Tuya, Delagua, Vaudí, Pablo und Destruktion, Perro Blanco Blues, Fee Rega, Toli Morilla, Cruz Martínez, Alfredo González, Cristina Busto y Mur.