Museos
La singular construcción troncocónica d'unos 45 metros d'altor conforma un espaciu circular distribuyíu en dos pisos y cubiertu por un llucernariu qu'ufierta una vertixinosa vista de les paredes de la gran chimenea.
Agospiada nun edificiu singular, l'aula foi concebida como un equipu cultural eminentemente didáuticu y divulgativu.
Asitiáu en Puertes de Vidiago, a doce quilómetros de Llanes, atópase l'Ídolu de Peñatú, un crespón d'arenisca que destaca al oeste de la Sierra de La Borbolla, nuna redolada onde se caltienen unos cincuenta túmulos.
Datada na década de los 20, promovida pola firma de capital vascu Hulleras de Turón, ye una obra d'inxeniería na que la so amenorgada escala y la so magnífica restauración dexen entender el funcionamientu d'estes instalaciones y lo que foi la historia industrial de la zona.
L'Aula Didáutica del Parque Arqueolóxicu de la Cuenca del Navia intenta averar al visitante a la comprensión de lo que se dio en llamar ''Cultura Castreña del Noroeste''.
El Centru d'Interpretación de la Fauna Glaciar y La Cuevona asítiase a la entrada del pueblu d'Avín, y alluguen delles reproducciones de mamuts, un venáu xigante, rinoceronte llanudu, etc., amás de los restos fósiles d'un Coleodonta descubiertu na cueva cercana de La Peruyal.
La puxanza actual de la minería del oru n'Asturies revitalizó l'interés del públicu por una actividá que, anque escaecida, cuenta con una historia milenaria nel país.
Esti centru dedicáu al dramaturgu Alejandro Casona fai un percorríu cronolóxicu pela vida y obra del escritor nacíu nel pueblu de Bisuyu.
Na planta alta pue contemplase una bona amuesa de les sos obres y conocer dellos aspeutos de la so vida, los sos viaxes y la so familia.
Los romanos yá usaben nestes tierres los ríos y les ensenaes de la mariña pal so tráficu comercial, pero nun foi hasta la Edá Media cuando empiecen a apaecer pequeños puertos d'abrigu con fines comerciales y pesqueros con escasu tráficu de cabotaxe.
Páxines
Zircon - This is a contributing Drupal Theme
Design by
WeebPal.