Museos
La singular construcción troncocónica d'unos 45 metros d'altor conforma un espaciu circular distribuyíu en dos pisos y cubiertu por un llucernariu qu'ufierta una vertixinosa vista de les paredes de la gran chimenea.
Esti centru recueye la historia de l'artesanía del fierro nel conceyu de Bual y el so comercialización, una gran actividá que s'estendió mientres los sieglos XVIII y XIX.
L'edificiu de l'Antigua Cárcel d'Uviéu ta asitiáu en Ciudá Naranco. Identifícase pola cúpula, el remate del centru de la 'estrella' que formen les sos galeríes.
Cuaña ye un asentamientu (sieglu IV a.C.) asitiáu na marxe izquierda de la ría de Navia, sobre una llomba, arrodiáu de muralles y con accesu dende'l sur.
El muséu ta allugáu nel antiguu Asilu Pola, proyeutáu a principios del sieglu XX por Luis Bellido y construyíu baxo la direición de Miguel García de la Cruz. Ésti ta consagráu casi n'esclusiva a la obra del artista xixonés, que finó nel 1978, a los cien años d'edá.
Esti centru atópase nuna casona rural de dos plantes llevantada nel sieglu XVIII, qu'esperimentó socesives ampliaciones y cambios. L'edificiu ta compuestu de trés cuerpos, el central más adelantáu, y dos llaterales nos que destaquen los corredores de la primer planta.
El castru de San Isidro alcuéntrase sobre la llinia de cumes que señala la divisoria alministrativa ente los conceyos de Pezós y Samartín d'Ozcos, a unos 600 metros d'altitú.
Gaspar Melchor de Xovellanos foi ún de los principales esponentes de la Ilustración nel Estáu. El Muséu Casa Natal que lleva'l so nome ta allugáu nuna casa palaciu construyida ente finales del sieglu XIV y principios del sieglu XVI, onde nació l'escritor nel 1744.
Paez evidente que tal esfuerzu constructivu tuvo de tener el so orixe na inseguridá de quien lo llevantaron frente a un peligru que, al día de güei, resúltanos absolutamente desconocíu.
A principios del sieglu XIII la ciudá contaba yá con dalgún tipu de cerca, con trazáu dispuestu por Alfonso IX. Alfonso X impulsaría'l remate de les obres, que s'empecipiaron hacia'l 1261 y tuvieron de terminase nel sieglu XIV.
Páxines
Zircon - This is a contributing Drupal Theme
Design by
WeebPal.