País Malva

País malva , el espectaculo que nos presenta'l colectivu Muyeres, ye un paisaxe sonoro basáu nes grabaciones de los primeros etnomusicólogos que documentaron la música tradicional asturiana a mediaos del sieglu XX. Dende l'Asociación Música Tradicional Muyeres propónennos una nueva llectura d'estos trabayos -testimonios sonoros que, en munchos casos, apaecen acomuñaos a la muyer-, con cuenta de revisar un pasáu entá recién que forma parte de la nuesa memoria. Una memoria fráxil que n'ocasiones escaez a les muyeres pero que vuelve a la lluz al traviés d'esti espectáculu.