La Zona

La Zona, proyeutu de Pablo DeSoto y Román Torre, ye una instalación artística que presenta de manera didáutica dalgunos elementos que carautericen la Zona d'Esclusión de Fukushima, en Xapón.


La Zona de Exclusión ye l'área evacuada como consecuencia del accidente nuclear de nivel máximu producíu cuando les fuercies del terremotu y tsunami del 11 de marzu del 2011 chocaron contra la central nuclear de Fukushima Daiichi. 160.000 persones foron forciaes a abandonar los sos llares y llugares de trabayu en cuestión de minutos, cuando los edificios de contención qu'acoyíen cuatro reactores comenzaron a esplotar ún tres d'otru, esparciendo al ambiente les sos partícules radioactivas invisibles. La Zona declarada non apta pa la habitabilidá humana comprende una área xeográfica de 800 quilómetros cuadraos alredor de la central afeutada.


Si una reciente serie de televisión de mesmu nome presentaba una ficción bien documentada na qu'un accidente nun reactor afaraba una amplia rexón d'Asturies, La Zona contribúi con una instalación interactiva presentando pal públicu asturianu y visitantes dalgunos elementos d'esti particular territoriu afeutáu poles consecuencias del accidente radiolóxicu.


La Zona ye'l proyeutu ganador de la VI Beca DKV Seguros-Álvarez Margaride, convocada conxuntamente por LABoral y la compañía de seguros.