'Gerardo Bustillo. Pola fotografía, pol arte (1895-1919)'

  • Esposiciones

Fecha: 

Vienres, Abril 7, 2017 to Miércoles, January 31, 2018

Llugar: 

Muséu del Pueblu d'Asturies

Conceyu: 

  • Gijón/Xixón

Gerardo Bustillo Rodríguez (Sagua la Grande, Cuba, 1870-Somió, 1919) empezó la so afición a la fotografía hacia'l 1890. Yera oficial de l'Armada y nel 1892 toma parte nel viaxe de circunnavegación de la corbeta 'Nautilus', periplu del que lleva un diariu personal que documenta con fotografíes propies y ayenes. Va ser na primer década del sieglu XX cuando'l so trabayu fotográficu adquier reconocencia nel ámbitu estatal, con dellos premios n'esposiciones y una presencia constante nes revistes especializaes, nes que defende una fotografía artística dafechu na llinia d'un pictorialismu de cuidáu procesu téunicu y de fidelidá a los cánones estéticos d'esti movimientu.

N'Asturies, el so llabor ye primordial pa entender la valoración de la fotografía como arte, más allá de la so función documental. Axuntó a los aficionaos y profesionales nel Foto Club Asturiano (1906), del que foi fundador y primer presidente, y impulsó nel 1909 la Esposición de Fotografía celebrada en Xixón, primer amuesa de calter estatal celebrada n'Asturies, que proyeutó la obra de los nuesos meyores fotógrafos. Personalidá abierta ya inquieta, na so última etapa amosó interés pola cinematografía.

Esta muestra sobre la so figura y trayeutoria, inclúi semeyes y audiovisual.

Zircon - This is a contributing Drupal Theme
Design by WeebPal.