Georges Méliès y el cine de 1900

Georges Méliès foi un precursor. Les grandes tramoyes, les técniques de montaxe y les películes coloriaes son l'orixe d'unu de los xéneros más populares y rentables de la hestoria del cine: El cine fantásticu. Les películes de Méliès tresmiten vitalidá, creatividá, ilusión fantasía y sentíu del humor.


Por ello, la Obra Social ‘la Caixa’ quíxo dedica-y esta esposición, que forma parte d'un conxuntu de proyectos dedicaos al cine como elementu fundamental de la sensibilidá y la forma de ver el mundu de la xente de güei.


Una esposición nun nuevu ya innovador Caixafórum itinerante que, nun espaciu de 200 metros cuadraos, tresllada a los visitantes al ambiente de principios del sieglu XX, a una feria d'entós.


Foi entós onde'l cine tomó forma como espectáculu y, en gran midida eso foi gracies a un home, Georges Méliès, que supo entender qué quería la xente y cómo faela suañar y distrayese. Les sos películes marcaron el camín que siguieron los primeros cineastes n'Europa y Estaos Xuníos.