Alberto & García / Staytons

La maxa de la música en direuto acompáñase de la lluz y el soníu, dibuxando unes nueches de barnu mui especiales nel Xardín Botánicu Atlánticu.


ALBERTO & GARCIA

Alberto & García presenta en direuto 'El buen salvaje', el so tercer discu, nel que sigue la veta del pop-rock más clásicu combináu con ritmos y armoníes típicas del folclór llatinoamericanu. Tamién atopamos dellos elementos d'electrónica que veníen apuntándose en los direutos y trabayos anteriores, una amplia mecigaya de soníos que van dende les chacareres, cumbies, zambes…, inclusive chiscáu col soul. Too ello acompañando a unos testos en castellanu cuidaos hasta'l más mínimu detalle.


STAYTONS

Staytons son una mui moza banda de Villaviciosa que presenta 'Singularity', el so primer discu, producíu por Igor Paskual. Ellos son Dani (batería), Andrés (baxu), Luis Angel (trompeta), Venti (guitarra) y Juanvi (teclaos y guitarra).
'Singularity' pue resumise en clasicismu amestáu cola esperimentación, los riffs y melodíes sexualizaes y sudoroses; lo pasaxero y lo eterno fundiéndose en diez cantares interpretaos por Juanvi como si'l destín punxéranlu equí pa cantar namái eso.